फुटबलमा औधि रुची राख्नेहरूका लागि उत्कृष्ट एन्ड्रोइड एप

फुटबलमा औधि रुची राख्ने तर खेलाडी बन्न नसकेकाहरुले आफ्नो तलतल मेट्न भिडियो गेमको सहारा लिन्छन् । विगत दुई दशकयता विश्वभरी खेलिन थालिएका फिफा र पिइएसजस्ता कम्प्युटर खेलहरुबाट नेपाली फुटबलप्रेमीहरु अछुृतो छैनन् ।

तर, ती खेलहरुभन्दा पृथक र खेलमैदानमा हुने वास्तविक घटनामा आधारित रहेर खेलिने ‘फ्यान्टसी फुटबल’ केही वर्षदेखि नेपाली फुटबल प्रेमीमाझ निकै लोकप्रिय बनेको छ । सन् १९६२ मा अमेरिकामा बिल विन्किन्ब्याक र सन् १९७१ मा बेलायतमा बर्नी डोनेल्लीले मुख्यतः मनोरञ्जनका लागि फ्यान्टसी फुटबलको अवधारणा आ-आफ्नो देशमा भित्र्याएका थिए । त्यसको ५५ वर्षपछि बितिसक्दा अहिले यो खेलले विश्वभरी नै ठूलो बजार ओगट्दै छ ।    

हालै मात्र नेपालका ‘फ्यान्टसी प्रिमियर लिग’का खेलाडी सौरभ घिमिरेले ‘फुटी फ्यान्टसी’ नामक एन्ड्रोइड एप लिएर आएका छन् । नेपाली फ्यान्टसी खेलाडीहरुलाई थप खुराक दिन यो एप बनाएको घिमिरेले बताए ।

एपले आफ्नो खेलका विजेताहरुलाई साप्ताहिक, मासिक र वाषिर्क रुपमा पुरस्कार दिने घोषणा गरेको छ । फुटी फ्यान्टसी डाउनलोडमा Click गर्नुहोस् ।